Хрватскиот стратег Нико Ковач со победа дебитираше на клупата на Баерн Минхен откако со 3:1 славеше во пријателски натпревар против ПСЖ.
Иако парижаните со 1:0 водеа на полувремето, Баерн во продолжение доминираше и буквално му одржа лекција на парижаните.
Синот на Џорџ Веа, Тимоти го доведе францускиот тим во водство во 31. минута и со тој резултат се заврши првиот дел.
Во второто полувреме Баварците буквално доминираа и со головите на Мартинез, Ренато Санчез и Зиркзе победија со високи 3:1.
На натпреварот свое деби имаше и легендарниот чувар на мрежата, Џиџи Буфон кој од ова лето е нов голман на францускиот ПСЖ.
