Медиумите во Италија пренесуваат дека од таборот на Арсенал се заинтересирани во јануарскиот преоден рок да го донесат фудбалерот на Јувентус, Мехди Бенатија.
„Топчиите“ беа заинтересирани за мароканскиот репрезентативец и во летниот преоден рок, но тогаш трансферот не се реализираше.
Сега од Арсенал сакаат да ја искористат ново настанатата ситуација по која Бенатија не е среќен во Јувентус затоа што не добива баш многу шанса во првиот тим.
За стоперот освен Арсенал интерес има и од Борусија Дортмунд, Шалке 04 и Милан кои исто така сакаат да го видат во своите редови.
