Во Лондон започна еден од најважните снукер турнири. Мастерс кој се игра за награден фонд од 600.000 фунти со тоа што на победникот ќе му припаднат 200.000 фунти.
Вчера беа одиграни 2 натпревари, а вистинска драма беше видена во дуелот помеѓу Рони и Лианг. На крајот победи Рони со 6:5, но секоја чест за Лианг кој одлично се бореше во овој дуел.
Рони добро го отвори натпреварот, па имаше водство од 2:0 и 4:2 по фрејмови, но потоа Лианг го сврте натпреварот во своја корист и водеше со 5:4, но не успеа да победи на крајот.
Во вториот натпревар од 1/8-финалето играа Динг и Кајрен Вилсон, а победи Кинезот со 6:3.
