Италијанскиот фудбалер со бразилско потекло Жоржињо летоска се пресели од Наполи во Челси, заедно со тренерот Маурицио Сари.
Иако изгледаше дека 27-годишниот фудбалер е блиску до потпис со Манчестер сити, сепак на крајот дојде до пресврт.
Одличниот фудблаер призна дека неколку фактори имале влијание на неговата одлука да го избере Челси пред Сити, а најголемата ја одиграла неговата мајка.
„Многу работи се случија и донесов важна одлука. Да бидам искрен, ја прашав мајка ми за совет, зашто секојпат кога решавам за важни работи, разговарам со неа. Па, така беше и овојпат“, кажа Жоржињо.
Инаку, Жоржињо е роден во Бразил, а во Италија живее од 15 години. Исто така е член на репрезентацијата за која одигра 13 натпревари.
