Екипата на Вардар го претрпе првиот пораз по неверојатната серија од 31 натпревар без да ја почувствува горчината на поразот.
Избраниците на Парондо со 26:23 беа поразени на гостувањето кај Загреб во Сутинска Врела и со тоа ја завршија серијата која траеше уште од 13 декември, 2016 година.
Црвено црните тргнаа добро и неколку пати имаа предност и од два гола. Сепак домаќините го свртија резултатот во своја полза на две минути до крајот на полувремето.
Во второто полувреме Вардар потфрли во фазата на нападот, а тоа одлично го искористија загрепчани и сега се изедначија по бројот на бодови со нашиот тим.
Најпрецизен кај Вардар беше Криштопанс со четири гола, додека кај ППД Загреб Златко Хорват постигна шест погодоци.
