Менаџерот на Ливерпул Јирген Клоп рече дека бил шокиран кога видел дека тој клуб го доведе Роберто Фирмино.
Бразилецот стигна од Хофенхајм за 29 милиони фунти во јуни 2015 година, а набрзо на местото менаџер стигна Клоп наместо Брендан Роџерс.
Фирмино кај Клоп стана еден од најважните играчи на екипата, а германскиот стручнак призна дека бил изненаден што Ливерпул успеа да го доведе.
„Прва работа која што ја направив кога го напуштив Дортмунд е што ги избришав сите броеви од телефонот со цел да не ме добијат. Никој не ме праша за Фирмино, но тој беше играч за кој мислев дека е меѓу најдобрите во Бундеслигата. Кога видов дека Ливерпул го доведе помислив “Како тоа им успеа? Тие не беа во најдобар момент, а многу клубови можеа повеќе и да платат. Помислив дека направија вистински потег“, рече Клоп.
