Возачот на Репсол Хонда, Марк Маркез победи во Мото ГП трката која денес се возеше за Големата награда на Германија.
Актуелниот светски шампион трката ја почна од пол позицијата, а победи со резултат 40:59,525.
Второто место му припадна на возачот на Јамаха, Јонас Фолгер, додека пак трет беше искусниот Дани Педроса од Хонда.
Маверик Вињалес и Валентино Роси ги зазедоа четвртата и петтата позиција.
По девет трки во шампионатот, Марк Маркез е на лидерската позиција со 129 поени, Вињалес е втор со четири помалку, а на третото место е Андреа Довициозо со 123 поени.
Следната трка во Мото ГП шампионатот на програмата е на 6 август во Брно.
