На терените на тенискиот клуб „Југ“ од Скопје, во периодот од 27 до 30 септември се одржа државното првенство на Македонија за мажи (поединечно и двојки) и жени (поединечно).
Нови државни прваци во конкуренција на двојки се 19-годишниот Стојан Стојановски од тенискиот клуб „Охрид“ и 15-годишниот Ѓорѓи Јанкуловски од тенискиот клуб „Југ“ од Скопје.
Во финалето победија против искусниот Димитар Грабул и младиот Лука Андонов во 3 сета, иако на почетокот на вториот сет губеа со 6:1 и 2:0. Но, потоа освоија 6 гема во низ со што го зедоа вториот сет, а одлучувачкиот 3 сет го добија со 10:4 во тај-брек.
