Шанса да станеш YouTuber! Приклучи се! ↓↓↓
Реал Мадрид реши да го договори првиот трансфер за наредното лето, а решиле да пазаруваат кај португалски Порто.
Португалскиот гигант веќе со години продава фантастични фудбалери, а еден од нив ќе биде и Едер Милитао, 21-годишниот стопер кој стигна од Сао Паоло за само четири милиони евра.
Реал Мадрид се очекува да го ангажира за дури 50 милиони евра и Бразилецот ќе пристигне на „Сантијаго бернабеу“ дури наредното лето.
„Кралевите“ имале контакт со агентот на Бразилецот, Гуилјано Бертолучи. Тие добиле позитивен одговор за ангажирање на фудбалерот, а договорот би можел да биде постигнат во наредните денови.
Неговата цена ќе се зголеми на 75 милиони евра на крајот на сезоната, па поради тоа „кралевите“ сакаат што е можно побрзо да постигнат договор со талентираниот фудбалер.
