Во редовите на Работнички пристигна 23 годишниот Бразилец, Серџо Антонио Да Луз Жуниор кој доаѓа од редовите на Скендербег.
Жуниор со клубот од Дебар Маало потпиша едногодишен договор, а соработката може да биде продолжена на уште една година.
„Среќен сум што доаѓам во клуб како Работнички за кого знам дека е еден од најдобрите во Македонија. Верувам дека ќе може да му помогнам на тимот оваа сезона да дојде до своите цели“ – истакна Жуниор по промоцијата во новиот дрес.
Серџо Антонио Жуниор или популарно наречен Сержињо потекнува од школата на Бело Хоризонте, а во Европа покрај за Скендербег има настапувано и за Лаци од Албанија, како и Хајвалиа од Косово.
