Шпанската телевизија „Ла Секста“ објави дека Предраг Мијатовиќ се обидува да го убеди Лука Модриќ да замине од Реал Мадрид и да ја продолжи кариерата во Интер.
Реал порача дека нема да го продаде 32-годишниот играч, но шпанските и италијанските медиуми пишуваат дека Модриќ веќе му кажал на претседателот Флорентино Перез дека сака да замине.
„Ла Секста“ пишува дека Лука и неговите претставници на состанокот неделава ќе се обидат да го убедат Перез да попушти и да се согласи на понудата на Интер.
Истиот извор пишува дека зад целата ситуација е Мијатовиќ, легендарниот црногорски фудбалер во кој Модриќ има голема доверба. Мијатовиќ и Модриќ билеа во контакт во текот на целото Светско првенство.
Инаку, Интер е подготвен да му даде плата од десет милиони евра годишно на Модриќ, со што би го направиле втор најплатен играч во Серија А по Кристијано Роналдо.
