Хрватскиот интернационалец од редовите на Барселона, Иван Ракитиќ даде одговор на шпекулациите кои го поврзуваа со заминување од клубот ова лето.
Се пишуваше дека Манчестер Јунајтед е заинтересиран за услугите на играчот од средниот ред, а медиумите во Италија пренесуваа дека и Јувентус „фрлил око“ на одличниот Хрват.
Сепак, Ракитиќ ги отфрли шпекулациите дека ќе си замине од „Камп Ноу“ и потврди дека ќе игра во Барселона и следната сезона
„Не сакам да бидам на друго место. Се надевам дека клубот, претседателот, тренерот и фановите гледаат на ова на ист начин како мене. Се надевам ќе ми кажат дека ќе останам овде уште три години“ –истакна Иван Ракитиќ.
