Целиот свет уште не може да се помири со веста дека Коби Брајант го загуби животот во хеликоптерска несреќа, заедно со неговата ќерка 13-годишната Џина Марија, како и уште седум лица кои беа во леталото.
Коби зад себе ја остави сопругата Ванеса и уште три деца Наталија, Бјанка и Капри. Според извори на „Дејлии Мејл“, неговата сопруга целосно е скршена поради загубата на нејзиниот сопруг и ќерка, но се обидува да им даде утеха на останатите деца.
„Ова е исклучително тешко и страшно време за Ванеса и целото семејство. Ванеса не може ниту да зборува, а да не заплаче. Меѓутоа, се труди да остане смирена колку што може повеќе за да ги утеши ќерките“, открива извор за „Дејли Мејл“.
