Првиот човек на Евролигата, Жорди Бартомеу кажа дека елитното натпреварување лесно ќе го замени Панатинаикос, ако тие решат да заминат.
Евролигата реши да ги стопира своите натпреварувања за оваа сезона, а тоа на Панатинаикос не му се допадна и повторно се закани дека ќе ја напушти Евролигата.
Поради тоа се јави и првиот човек на Евролигата, кој кажа дека ќе пронајде замена за грчкиот тим, доколку решат да го напуштат натпреварувањето.
„Со Панатинаикос мора да имаме трпение и тоа е главна работа. Мора да бидеме во постојан дијалог со нив, меѓутоа, доколку тие решат да ја напуштат Евролигата, лесно ќе ги замениме“, кажа Бартомеу.
