Пријателот на Ѓоковиќ, Јанко Типсаревиќ испрати порака по тоа што се случи на „Адрија Тур“, каде што неколку тенисери се заразија со Ковид-19.
На пензионираниот тенисер не му е лесно поради тоа што му се случува на Ѓоковиќ, но имаше порака со поддршка за Србинот.
„Не му е лесно, но нема да го сожалувам, зашто тоа е најлошо. Дефинитивно не ми е мило. Не сакам никого да сожалувам, зашто мене, во мојата кариера, по седум операции, ми беше најтешко кога ме сожалуваа. Жал ми е поради тоа што знам какво срце има Новак и што се обидува да направи со Адрија Тур“, кажа Типсаревиќ.
Претходно до српскиот тенисер пристигнаа уште неколку пораки со поддршка, но имаше и голем број критичари.
