Ѕвездата на Манчестер јунајтед, Кристијано Роналдо може да добие казна од еден милион фунти поради контроверзното интервју со водителот Пирс Морган во кое го нападна раководството на тимот, но и тренерот Ерик Тен Хаг.
Роналдо со интервјуто ги налути навивачите на „црвените ѓаволи“, но и дел од поранешните фудбалери, меѓу кои е и легендарниот Италијанец, Антонио Касано.
„Роналдо нема храброст да признае дека не игра добро во последните три години. Оваа година мораше да потпише за Спортинг и по Мундијалот да се пензионира. Тој е слепец и мисли дека може да игра до 50 години. Роналдо има ужасно его, но не е како Меси кој може да игра со неколку одлични фудбалери покрај себе и повторно да биде главен. Кристијано не може да го поднесе тоа“, вели Касано.
