Најдобрата македонска тенисерка Лина Ѓорческа го крунисаше настапот во Ираклион, Грција со титула, откако во финалето беше подобра од Мириам Бјанку Булгару со 2-0 во сетови, односно 6-3 и 6-4.
Ѓорческа во финалето играше фантастично и не ѝ дозволи на нејзината противничка од Романија ниту да се надева на титула, па ја декласира во два сета.
Македонската тенисерка имаше шанса да освои титула и во двојки, но вчера загуби заедно со Деа Херџелас во финалето од Гаврила и Каратанчева со 0-2, односно двапати по 4-6.
