Македонската ракометна репрезентација денеска ги почна подготовките за Светското првенство (СП) кое се игра во јануари.
Селекторот Кире Лазаров се надева на добри резултати и на изненадувања во тешката група против Холандија, Норвешка и Аргентина.
„Кај ракометарите има желба и мотивираност за докажување, а тоа ме радува. Самиот пласман на Мундијалот е успех, но ќе направиме сè за да се пласираме во вториот круг. Нема да биде лесно, но ќе се обидеме да изненадиме. Имам стратегија и се надевам дека ќе се подготвиме како што треба“, кажа Лазаров.
