Македонскиот репрезентативец Бојан Миовски се збогува со навивачите на Абердин, откако си договори трансфер во Жирона.
Миовски се сели во еден од најдобрите тимови во Ла Лига минатата сезона и ќе игра во Лигата на шампиони (ЛШ), а во Жирона треба да биде замена за Артем Довбик.
Шкотските медиуми открија дека Жирона ќе му плати седум милиони фунти на Абердин за Миовски, кој одигра 60 меча за шкотскиот тим и постигна 27 голови.
Жирона се обидува да го комплетира трансферот што е можно побрзо, иако најверојатно Миовски нема да настапи во првото коло од Ла Лига.
