Време е за Boxing Day! И време е за Wildcard на Fantasy Premier league! ↓↓↓
На Далас му се врати Лука Дончиќ во минатиот натпревар и веќе фати одлична форма
Кошаркарите на Далас Маверикс се „прошетаа“ низ главниот град на Соединетите Американски Држави и ги декласираа Вашингтон Визардс. Конечниот резултат од натпреварот беше 101:137 (22:31, 28:37, 27:34, 24:35).
Импресивната пред сè напаѓачка партија на Далас е најдобро прикажана токму преку резултатите во четвртините.
Имено, во секоја четвртина Далас постигна повеќе од 30 поени и на крајот беше логично да се очекува лесна победа против Визардс.
Неверојатен натпревар одигра Кајри Ирвинг кој во игра помина само 24 минути и постигна дури 25 поени со четири скока и три асистенции.
Ирвинг шутираше 10/16 од игра и едноставно беше многу расположен за игра. Покрај него, убав трипл-дабл запиша Лука Дончиќ.
Словенецот го заврши натпреварот со 21 поен, десет скока и десет асистенции.
Дончиќ имаше и неколку потези кои преку ноќ станаа вирални и предмет на восхит низ сите Соединети Американски Држави.
