Пред дербито, падна најважниот потпис во Манчестер Сити! ↓↓↓
Тренерот на Јувентус, Масимилијано Алегри, кажа дека има голема привилегија затоа што ќе работи со Кристијано Роналдо, кој е еден од најдобрите фудбалери во светот.
Во пријателски натпревар одигран во Америка, Реал Мадрид беше подобар со 3-1 од Јувентус, а Роналдо не беше во екипата на својот нов клуб.
„Реал е голем тим. Без разлика на тоа дали го имаат Роналдо или не, секогаш ќе бидат конкурентни. Задоволни сме што го имаме Кристијано, посебно поради неговото искуство кое го има во европските натпреварувања. Ќе ми биде задоволство да го тренирам, тој е еден од најдобрите играчи во светот“, објасни Алегри.
Предводникот на „бјанконерите“ се надева дека и наредната сезона ќе ја освојат титулата во Серија А и дека конечно ќе го освојат трофејот во Лигата на шампиони.
„Верувам дека во моментов сме конкурентни и се радувам на почетокот на сезоната“, кажа стратегот на италијанскиот гигант.
