Шанса да станеш YouTuber! Приклучи се! ↓↓↓
Реал Мадрид планира да го ангажира Пол Погба од Манчестер јунајтед, но тие имаат и резервен план во случај да не го ангажираат Французинот. „Кралевите“ како алтернатива го гледаат Дони Ван де Бек од Ајакс.
Ајакс би можел да остане без уште еден суперталентиран фудбалер, а по Френки де Јонг, кој ќе се пресели во Барселона, сега и Ван де Бек би можел да ја смени средината.
За трансферот на францускиот фудбалер долго време се шпекулира, откако се врати Зинедин Зидан во Мадрид, но уште ништо не е сигурно.
Ван де Бек има 21 година и во актуелната сезона е важен дел од тимот на Ајакс. Тој постигна два важни гола во Лигата на шампиони – еден против Јувентус во Торино, а вториот против Тотенхем во Лондон.
Се шпекулира дека цената, која ќе ја плати Реал, ќе изнесува 60 милиони евра.
