„Билд“ открива: Томас Милер од јануари во италијански гигант

Напаѓачот на Баерн Минхен, Томас Милер побарал да биде ставен на трансфер листа откако Нико Ковач воопшто не го користи во последно време.

Откако во тимот пристигнаа Иван Перишиќ и Фелипе Кутињо, Томас Милер има одиграно само 60 минути во вкупно пет средби.

Тоа го натерало да побара заминување уште во јануари, а германскиот „Билд“ пренесува дека Интер бил сериозно заинтересиран да го донесе во своите редови токму како замена за Иван Перишиќ.

Освен Интер, за Милер се интересираат и Арсенал и Манчестер Јунајтед кои исто така ќе се засилуваат во јануари. Оваа сезона 30 годишниот Милер има запишано еден гол и четири асистенции во дресот на Баерн Минхен.