Импресивен старт во Олимпик Марсеј имаше Марио Балотели, кој постигна седум голови на десет натпревари, но можеби го одигра својот последен меч во сезоната.
Причината е тоа што на натпреварот против Бордо му го скрши носот на Пабло Кастро со лакт во еден инцидент во текот на натпреварот.
Најголемата казна којашто може да ја добие е осум натпревари пауза, доколку се докаже дека тоа го направил намерно.
Судијата не го виде контактот, но Дисциплинската комисија е должна сите пропусти од натпреварот да ги разгледа и потоа соодветно да ги казни.
Минималната казна е пет натпревари доколку Балотели е прогласен за виновен, па дефинитивно нема да помине добро.
