Како што пренесува италијанскиот новинар Николо Шкира, минхенски Баерн веќе некое време го следи крилниот играч на Фиорентина, Федерик Кјез.
Скаутите на клубот од „Алијанц Арена“ го следат малдиот Италијанец и како што се наведува Баварците се многу заинтересирани и за репрезентативецот на Италија.
Кјез е еден од најталентираните италијански фудбалери, израсна во еден од најдобрите поединци во Фиорентина, па јасно е дека за неговите услуги заинтересирани се и најдобрите клубови од Серија А.
Јувентус ова лето ќе се обиде да го пресели во своите редови, многумина сметаат дека таа приказна е веќе готова, но изгледа дека Баерн би можел да ги искомплицира работите.
Интер исто така ја следи ситуацијата, но јасно е дека не може да им парира на екипите од Торино и Минхен.
„Виола“ постави цена, бараат 80 милиони за својот фудбалер, Баерн истата таа сум ја потроши на ангажман на Лукас Ернандез, но се знае дека имаат уште доста средства во буџетот и дека активно бараат замени за Робен и Рибери, кои заминуваат од клубот на крајот од сезоната.
