Зошто проблемот со улични кучиња СÈ УШТЕ постои? | Уште еден поткаст ↓↓↓
Тој беше дел од шампионската генерација на Наполи, го делеше соблекувалниот простор со легендарниот Диего Марадона и живееше живот за кој многумина можеа само да сонуваат. Денес приказната за него е сосема поинаква.
Поранешниот фудбалер на Наполи, Пиетро Пузоне, повторно поминува низ исклучително тежок период. Некогашниот шампион на Италија и близок пријател на легендарниот Диего Марадона, денови минал лежајќи на клупа во Ачерра, во многу лоша здравствена состојба, откако повторно се вратил на проблемите со алкохол.
Пузоне имал длабоки рани на нозете и рацете, а неговата состојба била толку сериозна што граѓаните решиле да ги алармираат надлежните служби.
Еколошкиот активист Алесандро Канавачиуоло покрена апел на социјалните мрежи, кој многу брзо се прошири.
По интервенцијата на градоначалникот Д’Ерико, социјалните работници и итната помош, Пузоне бил префрлен во клиниката Villa dei Fiori, каде што бил хоспитализиран и каде ќе биде подложен на потребните прегледи и лекување.
