Фудбалерот на Барселона, Кристијан Тељо ја одби можноста да игра во англиската Премиер лига.
Фудбалерот на каталонците кој беше пратен на позајмица во Фиорентина добил понуди од Ливерпул и Саутемптон, но тие биле одбиени, соопшти Кориере дело Спорт.
Според информациите во Италија, желбата на самиот фудбалер е да ја продолжи кариерата во Фиорентина.
Тељо дебитираше за првиот тим на Барселона во 2011-та година. Од тогаш 24-годишниот фудбалер постигна 20 погодоци на 86 натпревари.
