Навивачите на Ливерпул се надеваа дека тренерот Јирген Клоп уште долго време ќе остане на клупата на премиерлигашот, но тоа очигледно нема да се случи.
Германските медиуми пишуваат дека Клоп е подготвен да го одработи договорот со Ливерпул до крај, а потоа сака нов предизвик во кариерта.
Неговиот сегашен договор трае уште четири години, по што ќе го напушти клубот од „Енфилд“, а веќе е познато и што сака да прави.
Клоп, откако ќе го напушти Ливерпул, сака да ја преземе репрезентацијата на Германија, а тоа би се случило по Европското првенство, кое се игра токму во 2024 година.
Единствено непознато е тоа дали Јоаким Лев ќе ја предводи Германија дотогаш или тие во меѓувреме ќе променат уште еден селектор.
