Португалската ѕвезда Кристијано Роналдо побарал помош од неговиот менаџер Жорж Мендеш, кој пристигнал во Англија на разговор.
Роналдо се врати минатото лето во англискиот гигант, но ситуацијата во тимот е очајна и поради тоа е загрижен португалскиот фудбалер.
Јунајтед во моментов игра ужасно и засега не е познато ниту дали ќе заврши во топ-4, односно дали ќе избори пласман во Лигата на шампиони (ЛШ) за следната сезона.
„Дејли Мејл“ објави дека Роналдо не е задоволен од тактиката на германскиот тренер Ралф Рангник, кој не може да го оживее тимот по заминувањето на Оле Гунар Солскјер.
Доколку „ѓаволите“ не изборат пласман во топ-4, тогаш постои голема шанса Роналдо да си замине од „Олд Трафорд“ на крај на сезоната.
