Зошто проблемот со улични кучиња СÈ УШТЕ постои? | Уште еден поткаст ↓↓↓
Милан во недела на Сан Сиро игра против Каљари, а стадионот повторно ќе биде исполнет до последно место. Се очекуваат повеќе од 70 илјади навивачи кои ќе дојдат да ја поддржат екипата во клучниот натпревар за обезбедување пласман во Лигата на шампионите. Ќе биде тоа последниот домашен настап оваа сезона и целосна спротивност од атмосферата од претходниот натпревар против Аталанта, кој го одбележаа протест и заминување на навивачите од трибините по поразот 0:3.
За навивачите на Милан, ова ќе бидат последните 90 минути поддршка на домашен терен, со надеж дека натпреварот ќе се претвори во прослава. Исто така, ќе биде прилика за збогување од играчите на кои можеби завршува нивниот циклус во клубот (Фофана, Томори или Леао), но и за гласен повик до Лука Модриќ да остане уште една година. Навивачите ќе им дадат поддршка на останатите играчи за следната сезона.
Да потсетиме, италијанските медиуми пишуваа при доаѓањето на Модриќ во Милан дека капитенот на хрватската репрезентација и великанот од Сан Сиро договориле едногодишна соработка со опција за продолжување на уште една сезона. Влегувањето на клубот во Лигата на шампионите тука би можело да одигра клучна улога.
Како што се пишуваше, главниот мотив на Модриќ е можноста да ја заврши кариерата натпреварувајќи се на највисоко ниво во европскиот фудбал. Останувањето на Сан Сиро ќе му овозможи да се обиде да избори уште еден настап во Лигата на шампионите.
