Надал се налути: За мене важеле различни правила? Тоа е навистина смешно!


Од втора лига, до спасител на Германија - 12 ден ↓↓↓



Шпанскиот тенисер Рафаел Надал реагираше на еден коментар на новинар, кој кажа дека за него важеле различни правила на турнирите.

Надал се пласира во второто коло на Ју-Ес опен по победата од 3-1 против Ринки Хиџиката, по што се појави на прес-конференцијата за медиумите.

Новинарот му забележа на Надал за тоа што не го почитува правилото од 25 секунди за сервис, а притоа ги обвини судиите дека му помагаат.

„Тоа е навистина смешно. Во кариерата сум имал многу казни. Никогаш не сум скршил рекет и не сум правел проблеми. Имам проблем со времето, но и јас многу се потам. Кога играте во тешки услови, се случуваат такви работи“, вели Надал.