Најдобриот тенисер во светот Новак Ѓоковиќ продолжи да чекори кон титулата на „Србија Опен“, откако во четвртфиналето беше подобар од сонародникот Миомир Кецмановиќ со 2-1 во сетови, односно 4-6, 6-3 и 6-4.
Ѓоковиќ се спаси во второто коло против Ласло Ѓере и по два тај-брејка го елиминираше помладиот колега, но не беше идеално ниту против Кецмановиќ.
Србинот е далеку од препознатливата форма, но полека влегува во ритам пред неговата главна мисија, а тоа е освојување на Ролан Гарос, каде што треба да настапи и Рафаел Надал.
Ѓоковиќ во полуфиналето ќе игра против подобриот од мечот меѓу Качанов и Монтеиро.
