Македонскиот репрезентативец Аријан Адеми пред пет месеци замина од Динамо Загреб, но хрватскиот шампион сега сака да го врати од Пекинг Гуан.
Динамо со новиот тренер Сергеј Јакировиќ е решен да состави моќна екипа која може да донесе нови успеси за тимот, а една од желбите е Адеми.
„Спортске Новости“ пишува дека Динамо сака да го врати Адеми, а денеска бил испратен и повик до Пекинг.
Адеми играше дури 13 години за Динамо пред да се пресели во Пекинг, но сега би можел да се врати во Хрватска на позајмица.
