Црвена Звезда во зимскиот преоден рок би можела да заработи многу пари од продажба на еден од најталентираните играчи.
Српските медиуми пишуваат дека Марко Лазетиќ е интересен за италијански Милан, кој е подготвен да плати пет милиони евра за услугите на фудбалерот.
Понудата е веќе испратена до Белград, па се чека повратен одговор од Ц. Звезда, каде што Лазетиќ е дел од првиот тим, но и младинците кои играат во Лигата на шампиони (ЛШ) за млади.
Лазетиќ во март потпиша професионален договор со матичниот клуб, а од тогаш во првиот тим запиша пет настапи додека за младинската екипа игра со две години постари играчи, па сега би можел и да му донесе голема заработка на тимот од Белград.
