Зошто проблемот со улични кучиња СÈ УШТЕ постои? | Уште еден поткаст ↓↓↓
Френк Лампард и во наредните години ќе го предводи Ковентри, бидејќи ја продолжи соработката со клубот по сонот од сезона во која ја врати екипата во Премиер лигата.
Поранешниот репрезентативец на Англија го презеде Ковентри во ноември 2024 година, кога тимот се наоѓаше на 17-то место во Чемпионшип. Веќе во првата сезона успеа да го одведе до плејофот, а потоа минатата сезона ја освои титулата во Чемпионшип и обезбеди враќање на клубот во елитата на англискиот фудбал по целосни 25 години.
Таквите резултати привлекоа внимание од многу клубови од Премиер лигата, па Лампард беше поврзуван со Кристал Палас и Фулам. Но, 48-годишниот тренер одлучи да му остане верен на клубот од Мидлендс и да потпише нов договор.
Во текот на неговата играчка кариера, Лампард ги носеше дресовите на Вест Хем, Свонзија, Челси, Манчестер Сити и Њујорк Сити. Како легенда на Челси, остана запаметен како најдобар стрелец во историјата на лондонскиот клуб, а подоцна го водеше и Дерби Каунти, Евертон и токму Челси.
– Неописливо сум среќен што потпишав нов договор. Голема чест е да го претставувам овој клуб. По неверојатната работа на сите во клубот што доведе до пласман во Премиер лигата и освојувањето на Чемпионшип, беше важно да го искусиме тој момент, и како град навистина го направивме тоа – изјави Лампард.
