Поранешниот тенисер Борис Бекер кажа дека Новак Ѓоковиќ ќе биде главна ѕвезда на турнирот во Дејвис Купот во Малага.
Бекер смета дека противниците ќе се плашат од Ѓоковиќ и ќе имаат тешка задача против него.
„Многу тенисери не се среќни што Ѓоковиќ ќе игра на Дејвис купот. Тој најави дека овој трофеј му е приоритет до крај на годината, а тоа ќе ги исплаши противниците. Новак на 36 години е во одлична форма и ги воодушевува сите со настапите“, вели Бекер.
Турнирот во Дејвис Купот се игра во Малага, а четвртфиналната пресметка меѓу Србија и Велика Британија е закажана за 21 ноември.
