Вардар продолжува со напорната работа да состави конкурентен тим за остварување на високите амбиции во Лигата на шампиони следната сезона.
Европскиот шампион бара засилување на десната бековска позиција, а најнова желба на раководството е српскиот ракометар Марко Вујин.
Овој искусен ракометар има 36 години и го одработи договорот со Спортинг Лисабон, по што бара нова екипа за следната сезона.
Вујин е еден од најдобрите стрелци во Лигата на шампиони и таму настапуваше со екипите на Кил и Веспрем.
Засега нема информација до каде се преговорите меѓу екипата и ракометарот, но наскоро се очекуваат повеќе детали за целиот случај.
