Македонскиот репрезентативец, Енис Барди одигра одличен натпревар во дресот на Леванте на гостувањето кај Селта Виго кој клубот од Валенсија го доби со убедливи 4:1.
Нашиот Барди активно учествуваше во првиот погодок, а беше асистент на последниот, четврт гол на Леванте.
Резултатот го отвори Моралес во 20. минута, а во 40. минута Коке зголеми на 2:0. Со овој резултат се замина на полувреме, а во вториот дел продолжи доминацијата на гостинскиот тим.
На 3:0 зголеми Моралес на асистенција на Борха Мајорал, а потоа следеше утешителен погодок на Селта Виго.
Последниот гол на средбата беше дело на Борха Мајорал, а асистент на истиот беше нашиот Енис Барди.
