Екипата на Чикаго ќе ја продолжи сезоната без Двејн Вејд.
Искусниот кошаркар ќе го пропушти остатокот од сезоната поради скршеница во десниот лакт.
„Подобро се чувствувам и среќен сум што не морам да одам на операција. Само одам на рехабилитација и се надевам дека ќе бидам на теренот до крајот на годината. А ако не оваа, тогаш наредната сигурно.“
35-годишниот кошаркар ја заврши сезоната со просек од 18.6 поени, 4.5 скокови и 3.9 асистенции.
Треба да се каже дека Вејд три пати го освојуваше шампионскиот прстен, односно дека 12 пати беше учесник во Ол-Стар натпревар.
