Тренерот на Реал, Зидан ги повика навивачите да го поддржат тимот во еден од најважните натпревари во оваа сезона.
Реал на свој терен го дочекува Баерн, а по првиот натпревар има предност од 2:1.
„Сите знаете колку е важен тој натпревар. Навивачите ни се потребни повеќе од било кога. Секогаш ни требаат и тие секогаш се тука за нас, но во ваков натпревар тие може да бидат играч повеќе.“
„Веќе го одигравме првиот натпревар и знаеме какви проблеми може да ни создаде Баерн. Ќе биде тешко додека судијата не досуди крај и ние сме свесни за тоа. На теренот ќе излеземе да победиме затоа што не сакаме да се коцкаме, а за успех мора да дадеме се од себе.“
