Практично без голема борба српскиот тенисер, Новак Ѓоковиќ обезбеди пласман во второто коло на Вимблдон откако Словакот, Мартин Клижан го предаде мечот при 1:0 во сетови.
Србинот лесно го доби првиот се со 6:3, додека во вториот имаше водство од 2:0 кога Клижан го предаде мечот поради повреда.
Во второто коло Ѓоковиќ ќе се сретне со Адам Павлашек, а веќе во следното коло би требало да го гледаме првиот дерби дуел меѓу Дел Потро и Ѓоковиќ.
Покрај Ѓоковиќ успешен настап имаше и Федерер кој слично како Ѓоковиќ го доби натпреварот откако неговиот противник при резултат 1:0 во сетови го предаде натпреварот.
Дел Потро, Зверев, Монфилс, Симон, Бердих, Тием и Изнер без проблем се пласираа во второто коло од неофицијалното светско првенство во тенис.
