Доста возбудливи квалификации видовме на една од најинтересните Ф1 патеки, италијанската Монца.
Возачот на Ферари, Кими Раиконен ја освои пол позицијата пред својот клупски колега, Себастијан Фетел и лидерот во генералниот пласман, Луис Хамилтон.
Хамилтон во последниот круг влезе со најдобро време, но во последните моменти прво Себастијан Фетел постави подобро време, а малку после тоа времето на Фетел го надмина неговиот колега, Кими Раиконен.
Од четвртата позиција ќе стартува вториот возач на Мерцедес, Валтери Ботас, а од третиот ред ќе тргнат Макс Верстапен и Роман Грожан.
