Шанса да станеш YouTuber! Приклучи се! ↓↓↓
Челси е во проблеми со Еден Азар, кој има договор до 2020 година и не може да одлучи дали ќе прифати нов договор или ќе замине во лето.
На „Стемфорд бриџ“ чекаа премногу, па сакаат да си ја обезбедат иднината, а поради тоа најдоа ново засилување и тоа во Борусија Дортмунд, а станува збор за Кристијан Пулишиќ.
„Спортс Илустрејтед“ пишува дека гигантот од Лондон планира да го купи Пулишиќ за 80 милиони евра, па 20-годишниот фудбалер би требало да пристигне на „Стемфорд бриџ“ во јануари.
Пулишиќ сезонава одигра 15 натпревари и постигна три гола и две асистенции, па со своите настапи ја воодушеви јавноста.
Сепак, Челси за неговиот потпис ќе мора да се бори против Ливерпул, кој исто така покажа интерес за неговите услуги.
