Во декември годнава ќе биде прикажан документарниот филм за седумкратниот шампион во Формула 1, кој беше тешко повреден на скијање во 2013 година, Михаел Шумахер.
Во документарниот филм „Шумахер“ ќе има и необјавени архивски снимки од животот на прославениот возач, како и сведочења на најблиските членови на неговото семејство – сопругата Корина и таткото Ролф.
Премиерата е закажана за петти декември, а филмот е сниман на германски јазик, а покрај таткото и сопругата, прикажани се и неговите деца, како и колеги. Мала е веројатноста да го видиме Шумахер во филмот по првпат по несреќата.
Да потсетиме, Шумахер пред шест години на скијање доживеа страшна несреќа. Тој удри со главата во карпа и доживеа страшни повреди. Од тогаш, па навака, многу малку детали се знаат за неговата здравствена состојба.
