Денеска во Нион беше одржана ждрепката за групната фаза од Лигата на шампионите по што во осум групи беа распоредени вкупно 32 екипи.
Дефинитивно најинтересна ќе биде групата Ф во која главен фаворит е Барселона, но тука се и Борусија Дортмунд и Интер. Се чини дека тука нема што да бара тимот на Спарта Прага кој веќе е исфрлен од секакви комбинаторики.
Пеколно тешка група доби и Црвена Звезда која ќе се соочи со Баерн Минхен, Тотенхем и Олимпијакос, додека Динамо Загреб на Адеми ќе ги вкрсти копјата со Манчестер Сити, Шахтјор и Аталанта.
Одлични натпревари не очекуваат и во групата А во која се најдоа ПСЖ и Реал Мадрид, а останати тимови учесници тука се и Клуб Бриж и Галатасарај.
Наполи на Елиф Елмас се најде во група со европскиот шампион Ливерпул, со Салцбург и Генк.
