Реал Мадрид реши да ги заврши дилемите за новите договори со фудбалерите, на кои им завршува соработката на лето.
Лука Модриќ, Серхио Рамос и Лукас Васкез од први јули ќе бидат слободни фудбалери, а засега само Хрватот се согласил да ја продолжи верноста кон „кралевите“.
Искусниот хрватски фудбалер се откажал од големата плата за да игра за Реал, а наскоро треба да биде потврдена новата соработка.
Меѓутоа, капитенот Серхио Рамос и Лукас Васкез уште не прифатиле понуда. Засега се многу блиску да заминат од екипата и тоа на крајот би можело да се случи.
Раководството на „кралевите“ излезе со понуда „земи или остави“, а само Модриќ се согласил на условите кои му носат многу помала плата.
