Како до бараж за Светско првенство!? ↓↓↓
Во саботната победа на Реал Мадрид над Осасуна 4-0 тешко се повреди Едер Милитао, му настрадаа вкрстените лигаменти на коленото и ќе го пропушти остатокот од сезоната. Тоа создаде огромен проблем во одбраната на Реал, па шпанските медиуми почнаа да шпекулираат за замена, а веднаш се почна да се споменува Серхио Рамос.
Но, 38-годишната легенда на Реал не играше од крајот на минатата сезона, кога му истече договорот со Севиља и е многу сомнително дали е воопшто во физичка кондиција за играње фудбал, а камо ли на нивото на најголемиот клуб во светот. Листот АС пишува дека враќањето на Рамос не е во плановите на Реал, иако како слободен играч може да дојде веднаш, а не само во јануарскиот преоден рок.
Како што тврди новинарот Серхио Лопез, Реал одлучи дека нема да го доведе Рамос, но сигурно ќе во јануарскиот преоден рок доведе стопер со кој би ја пополнил празнината по повредата на Бразилецот. Раководството на клубот го стесни изборот на три имиња: Ејмерик Лапорт од Ал Наср, Кастело Лукеба од Лајпциг и Џонатан Тах од Баер Леверкузен.
