Како до бараж за Светско првенство!? ↓↓↓
Актуелниот шпански и европски шампион Реал Мадрид ќе мора веќе во јануари да ја засили одбраната откако минатиот викенд во судирот против Осасуна остана подолгорочно без доверливиот стопер Едер Милитао.
Затоа не изненадува што телефонските линии се жешки претходните денови на „Сантијаго Бернабеу“, а последното во низата имиња што се поврзуваат со кралскиот клуб е левиот стопер на Нотингем Форест Муриљо.
Младиот бразилски фудбалер последниот ден на летниот преоден рок минатата година пристигна на „Сити граунд“ од Коринтијанс, а оваа сезона игра прилично добро во пар со Никола Миленковиќ.
Договорот со некогашниот европски шампион му истекува дури во лето 2028 година, па е јасно дека Реал Мадрид ќе мора прилично да се издвои во намерата да го доведе.
Англиските медиуми пренесуваат дека кралскиот клуб ќе мора да ја удвои првобитната понуда од 40 милиони фунти за да го убеди Нотингем на договор.
