Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Раководството на Ракометната федерација на Македонија (РФМ) ја реализираше својата значајна работна посета во седиштето на Меѓународната ракометна федерација (ИХФ) во Базел, Швајцарија.
Претседателот на РФМ, Александар Стефанов, заедно со генералниот секретар Влатко Тасевски, ја предводеа делегацијата и одржаа конструктивен состанок со д-р Хасан Мустафа, претседателот на ИХФ, како и со други високо позиционирани членови на оваа организација.
Целта на разговорите беше продлабочување на меѓусебната соработка меѓу македонската и меѓународната федерација. Во текот на средбата, беа претставени неколку значајни иницијативи. РФМ официјално ја изрази својата желба за организација на идни светски првенства, надевајќи се дека Македонија повторно ќе може да биде домаќин на големи ракометни настани.
Фото: РФМ
