Шанса да станеш YouTuber! Приклучи се! ↓↓↓
Швајцарскиот тенисер Роџер Федерер се повлече од Мастерсот во Париз за да може да одмори и да се подготви за завршниот турнир во Лондон.
Федерер вчера ја освои десеттата титула на турнирот во Базел, а тоа беше негова четврта титула сезонава и вкупно 103. во кариерата.
„Многу сум разочаран што морам да се повлечам од Мастерсот во Париз, но морам да се поштедам себе затоа што сакам да играм што е можно подолго. Се извинувам на француските навивачи, кои ќе ги видам наредната година на Ролан Гарос“, порача Федерер.
Место на завршниот турнир, покрај Федерер, обезбедија и Новак Ѓоковиќ, Рафаел Надал, Данил Медведев, Доминик Тим и Стефанос Циципас, додека последните два патници во Лондон ќе бидат познати по турнирот во Париз.
